Poppy 
Kya aapne kabhi socha tha ki “Circuit Lag Gaya” wala joke literal ho sakta hai?
Nahi na?
Arshad Warsi ne bhi nahi socha tha.
Arre bhai, yeh kya ho gaya? Munna Bhai ka Circuit ab stock market mein short-circuit ho gaya! Bollywood ke comedy king, Arshad Warsi, aur unki wife Maria Goretti ko SEBI ne Sadhna Broadcast ke stock manipulation mein shamil hone ke liye 5 saal tak ke liye stock market se ban kar diya hai.
Bechare ne toh sirf stocks mein thoda haath azmaaya… thoda risk liya, thoda paisa banane ka socha, aur phir kya — SEBI ne aake ban laga diya.
Arre bhai, Munna Bhai ka Circuit toh market mein ghus gaya, aur market ne hi Circuit maar diya! Irony has officially been punched in the face.
Jab Arshad bhai ne apni biwi ke saath milke stock trading ka socha hoga, toh unhone shayad yeh socha:
“Kya pata Munna Bhai ka swag stocks mein bhi chal jaaye!”
Lekin SEBI ne toh aake munh pe notice thok diya — allegedly for pump and dump in small-cap stocks.
Pump and dump samjhe? Matlab price upar pump karo, aur jab log FOMO mein kharid lein, toh sab dump kar do. Basically, “Sabko chuna laga ke bhaag jao” scheme.
Lekin bhai, Arshad Warsi se toh humari yeh ummeed hi nahi thi. Bechare toh Zubaida mein poet the, Golmaal mein confused the, aur Lage Raho Munna Bhai mein spiritual guide the. Ab yeh Scam 1992 lite wala track kahaan se aa gaya bhai?
SEBI ne bola:
“Arshad Warsi, unki wife Maria Goretti, aur kuch aur log allegedly misleading YouTube videos ke through stocks ko pump kar rahe the.”
Matlab YouTube pe video daalo, “Ye stock banayega aapko crorepati” aur khud pehle hi exit maar lo. Public baithi reh jaye ghanti leke.
Par bhai, Arshad Warsi se? Jis bande ne Munna Bhai MBBS mein humein “Kya re bhai, tension nahi lene ka” ka mantra diya, usse yeh scam ka patta chipka diya?
Panoti toh aisi lagi hai jaise stock market ke devtaon ne personal badla le liya ho
Arshad Wrsi ki ye panoti lagne par, unke fanska reaction kuch is arah ka tha, kisi ne bola
Arshad bhai ne bola hai unhone sirf apne financial advisor ki salah pe investment kiya tha — “I have no idea about stock manipulation.”
Hum maan lete hain bhai! Aapne toh sirf Munna Bhai ke liye load uthaya tha, market ka nahi!
Arshad Warsi ke sath hua yeh sab dekh ke sirf ek hi baat kehna chahta hoon:
“Tension lene ka nahi bhai… par SEBI se panga lene ka bhi nahi!”
Circuit bhai, agar aap yeh padh rahe ho, toh ek baar Munna Bhai ko bula lo. Shayad uske “chemical locha” se kuch market ka jugaad ho jaaye.
About The Author
