Poppy 
Ek blockbuster raid mein, Income Tax (IT) department ne ek ex-RTO constable aur uske “close associate” ke yahan se 52 kg sona aur Rs 10 crore rokda khoj nikala. Lokayukta ke signal par hui iss raid ne sabko hairaan kar diya. Aisa lag raha tha jaise kisi hidden treasure hunt ki live coverage ho rahi ho! Bas twist ye tha ki treasure gerkanuni tha.
Sona in the Bistar:
IT officials kehte hain ki sona almarih, mattress, aur tiffin boxes mein chhupa tha. Almarih cheez hi aisi hai, jo chahiye hota ha vo chupa deti hai. Aur to aur, aaj ke zamane mein dabbe mein khana nahi, sona milega! Kalto log bolenge “Bhai zara vo pink dabba bharke paise dena” Raid team ka ek member bola, “Hum soch rahe the ki bas upar upar cash ka mamla hoga, par yeh niche se pura Titanic ka iceberg nikala.” Room ke kone-kone mein cash bundles mil rahe the. Ek official ne mazaak mein kaha, “Mere paas itna cash hota to chupata nahi uda hi deta” Panoti to aisi hui ki insaan itne salo se police ke naak ke niche se hi sona jama kar raha tha aur jab finally sone ka maza lutne ki baari aayi raid gir gayi auruske sare arman bhi gir gaye. Isse kehte hai sonoti. Panoti jo hui sone par.
RTO Constable Se ‘Raja’ Tak Ka Safar:
Lokayukta ne bataya ki yeh ex-RTO constable apne kaam ke sath ek side business mein busy tha—gold aur cash jama karne mein. Unhone apne associate ke sath mil kar “Petty fines to Pretty Fortunes” ki kahani likh di. Ek meme-worthy moment tha jab ek team member bola: “Note ginne ke liye machine mangwao, yeh toh human capacity ke bahar hai!” Aakhir naseeb kitna kharab hoga constable hone ke baad bhi
Jaise hi news viral hui, Twitter aur Instagram memes se bhar gaye. Ek user ne likha, “Bhai, yeh log IT raid se pehle nayi almarih kyun nahi lete?” Dusra bola, “Baara mahine me baara tareeke se sona chupane ke baad bhi IT wale 12 minute me chori pakad lenge 😎” Comment karne walo ka swag to bilkul Salman style hai
Abhi Lokayukta aur IT department mil kar iska accounting software samajhne ki koshish kar rahe hain. Panoti News ki taraf se choro ek suggestion hai: “Agli baar sona chhupana ho toh mattress nahi, underground vault banwayein!, Agar vo nahi hota to apne kharab imaan hata do”
Stay tuned for more breaking aur “baked” news, sirf Panoti News par!
About The Author
